طريقة عمل كباب حلة من المطبخ المصري بالصور
عملت كباب حلة
اكلة سهلة وبسيطة للفطار فى رمضان
خصوصا للعرايس والمبتدئات
المكونات او المقادير
نص كيلو لحمة
بصل حلقات وبصل مبشور
توم متقطع
ملح وفلفل
شوربة
سمنة
شوفان
الطريقة
هنحط السمنة فى الطاسة او الحلة لغاية ماتقدح
وننزل عليها البصل الحلقات والمبشور
لغاية مالونه يصفر
وبعدها ننزل عليه التوم
ونحط عليهم اللحمة ونقلبهم فيه
طبعا اللحمة مش هتكون نية هتكون واخده قبلها نص سلقة
هنحط ملح وفلفل وبعدها نغطىها بشوربة اللحمة اللى اتسلقت فيها
نسيبها تستوى او تكمل سواها براحتنا
طبعا الشوربة اللى حطيناها دى هى الصوص
بس عشان نتخنه قدامنا 3 حاجات
ياتحطى كريمة طبخ
او تحطى كوباية ميه وفيها معلقتين دقيق متدوبين
ياتحطى شوفان زى مانا عملت
واى خطوة من دى هتكون قبل ماتطفى بربع ساعة
انا عملت معاه رز وسلطة خضرا
دلوقتى هسيبكم مع الصور بالتفصيل
موضوع: بالصور طريقة عمل كباب الحله 
السبت يوليو 13, 2013 9:59 am
