قرية الأشباح بقلم سارة روزا

قرية الأشباح بقلم سارة روزا


فى يوم من الايام ..
كان فيه ولد وبنت توئم اسم الولد زين والبنت عبير ..
الاطفال دول كانو عايشين مع جدهم وجدتهم من يوم ولادتهم .. لحين دخول المدرسه .. وفي يوم دخلو فيه مدرسه داخليه لعدم قدره الاجداد على رعايتهم وبعد مرور فتره , عدد من السنين .. قررو يقعدوا فتره الاجازه عند جدهم وجدتهم .. مع العلم ان ابوهم ترك امهم لسبب مرضها ايام زمان بعد ولادتهم مباشرتآ ومحدش عرف هو راح فين .. عايش ولا مات .. وبعد اختفاءه المفاجئ عن البيت مش بفتره كبيره ماتت امهم وهما في سن صغيره .. كان بيت الالاجداد بعيد عن البلد اللى هما عايشين فيها .. الجد كان صانع اخشاب ماهو والبيت بقرب البحر بشويه .. مدينه هادئه وناس مش كتير .. الاطفال رجعوا البيت مشتاقين ليوم من ايام حريتهم وسط جدهم وجدتهم .. دخلت عبير لجدتها وطلبت منها تعمل لها الكيك الشهى وطلب زين من جده انه ياخده بالمركب في رحله صيد مع بدايه شروق فجر يوم جديد .. وفعلا طلبات زين وعبير اتحققت .. وبعد ما استمتعوا بوقتهم كتير وسط اجدادهم والنس اللى بتحبهم .. قررو يعملوا جوله في البلده دى وحدهم ..... فخرج الطفلين وقت العصر يمشوا شويه على البحر .. اول مره مشيو شويه كتير .. لحد وقت الغروب .. طلب زين من عبير انهم يمشوا ابعد وابعد .. لكن عبير رفضت وقالت الوقت متأخر والمكان هادى كتير .. اخاف يحصل لينا حاجه ومحدش يساعدنا ..
وفي اليوم التانى كانو الاتنين طول النهار في البيت طلب زين من عبير تانى انها تساعده وتيجي معاه .. لاكنها رفضت وبسبب رفضها .. رفض الجد خروج زين وحده وقت الغروب ...
قعد يومين يفكر .... ايه فيه لو كان خرج وراح ابعد من الشاطئ اللى كانو ماشيين عليه .. مكان هادى ومنطقه نائيه .. اكيد شئ رائع لما اكون اول واحد اروح هناك ...
اقنع عبير بالفكره ولو دى اخر مره .....
قال لعبير الفكر ووافقت عليها بشرط .. الخروج وقت الظهر والعوده وقت المغرب بالتمام ...
راحو الاتنين وقت الظهر تمام عند الشاطئ .. مشيو مشيو لحد ما وصلوا لمكان شبه مهجور البحر ...
مكان به صخور كبيره وسوده صخور عليها ملح البحر بكثافه كبيره ..
ومن حولها رمل ناعم غريب اللون ..
ومن بعد الصخور الغريبه دى .. فيه هناك شجر غريب .. قصير وكثيف ..
ولونه مائل للسواد من كثره ملح البحر وقوه الشمس بالصباح ...
ابتدى والولد يعدى ما بين الشجر الغريب ده ..
واخته مستغربه من غرابه المكان وشكله المخيف ..
وبعد ما عدوا الشجر الغريب لقوا من بعد الشجر شئ غريب ..
صرخ زين وفي دهشه غريبه .. بصي يا عبير .. كنت حاسس انى في يوم هلاقي حاجه زى كده قدامى ...
وفي صمت من عبير ودهشه .. ايه ده يا زين ......
مدينه بين الصخر والشجر .... ؟؟؟؟
يلا بينا نرجع يا زين ..
******************
اخاف اجازف اكتر من كده ..
زين رد وقال .. استنى طيب ندخل اكتر شويه .. خليكي قويه ومش جبانه ..
عبير وبشده .. انا همشي تبقي تدخل انت وحدك ....
ومش هاجى معاك اى مكان تانى ..
بعد الكلام بتاع عبير .. رجع زين معاها وهو ساكت وحزين .. لرفض اخته انها تيجي وتكتشف معاه المكان الغريب ده ...
رجعوا بيتهم وهما زعلانين من بعض ..
وسئلت الجده عبير .. هو انتى زعلانه يا عبير من حاجه .. ؟؟؟
ردت عبير يا جدتى زين مش بيسمع الكلام .. عايزنا نروح مكان غريب وبعيد ..
شكله مخيف جدآآآ ....
الجده .. مكان ايه يا زين اللى شكله مخيف .. ؟؟
زين يا جدتى انا اكتشفت مدينه كبير بعد الشاطئ .. بعيده بمسافه كبيره شويه .. اولها صخر واشجار غريبه .. وهى ورا الاشجار مباشرتآ ..
حبيت اكون اول واحده يدخل عندها .. رفضت عبير ...
قامت الجده وبنظره مرعبه شويه ..
اول مره حد من الاطفال يشوف وشها بالحاله دى ..
وغريت نبره محبتها وعطفها .. واتبدلت نبرتها بنبره تحذير ..
اياك يا زين تروح هناك ...
اياك .....
حاول زين انه يفم ايه اللى ورا الموضوع ..
جاوبته جدته وبصوت تحذير .. ده مكان قديم .. من 200 سنه او اكتر ...
لا حد راح و رجع تانى .. الا واما هو مريض شاحب الوجه .. او انه فاقد النطق عايش في عالم تانى .. او مفقود من الاساس ..
واهلى زمان كانو بيحذرونى يا ابنى من انى اجيب السيره دى ....
خافت عبير من كلام جدتها وطلعت تجرى على حجرتها ...
لكن زين قال لجدته .. هى دى مدينه فعلا يا جدتى .. ؟؟
جده سمع كلامها وقاله .. يا حبيبي دى قريه صغيره كانت جنب قريتنا تمام .. من زمان زى ما قلتلك جدتك من 200 سنه ..
اهلها جه عليهم انهم يموتو واحد ورا التانى .. من غير اسباب ..
وكان اللى عاش بعدها عاش وشه شاحب وشكله غريب ..
ويقال انه اللى ساكن فيها حاليا هم الاشباح .. واصوات مرعبه بالليل .. واشكال مخيفه بتمشي جوه المكان ..
تردد زين بعد ما سمح من كلام جدته اللى كان جد كتير عن انه ينسي موضوع انه يروح هناك تانى من الاساس ...
قرر يتجول في بلدته الصغيره ..
كان بيسمع عن راجل عجوز عايش في بلده
قرر انه يزوره ويسمع منه الكلام اللى بيتقال .. يمكن يكون عارف حاجه ..
وفعلآ راح يزوره .. وطلب منه ان يجاوبه عن سؤال حاير في دماغه ..
هل فعلا المدينه اللى على طرف الشاطئ دى مدينه اشباح ؟؟؟؟
استغرب العجوز من سؤال الولد .. وسكت شويه ..
وبعد صمت مش دام كتير
جاوب العجوز على زين وقاله
كان فيه هناك رجل مشعوذ .. اسمه منجى .. كان بيقول على حاجات من الخيال انها هتحصل .. والناس تقول كذاب ودجال ..
لدرجه ان الاطفال كانت بتجرى وراه وترميه بالحجاره كل ما تشوفه ..
وف يوم الرجل ده اختفي من البلد ..
الناس فرحت .. وقالو راح ومش راجع ..
لكن ظنهم راح مش في محله ..
رجع منجى .. وعنيه كلها رعب .. شكله مخيف .. ومش بيكلم حد
الناس قالو اكيد حد عذبه .. وناس قالو سبوه في حاله ربنا يكفينا شره
لكن العكس حصل ....
منجى رجع وهو عنده هدف واحد بس
الانتقام من كل اهل البلد ....
ومن بعدها .. حصل اللي حصل
انقلب حال البلد رأسآ على عقب ..
كان عايش في بيت قديم وصغير ..
منور بالليل بأنوار غريبه واصوات خارجه منه مرعبه .. مخيفه
وبالنهار معتم بشكل فظيع كأن فوقه سحب كثيفه
الناس بقت مرعوبه .. هيئه مخيفه وبيت مخيف ...
وف يوم كان المكان هادئ ...
خرج منجى من بيته ....
وقف في وسط القريه ... وبصوت عالى ... انا رجعت يا اهل البلد
انا رجعت ليكوا .. لكن مش زى ايامى اللى فاتت .. استنوا الانتقام ..
اليوم قريب
الكل وقف في حاله زهول .. ورعب غريب
ناس قالت ... الرجل ده بيتكلم جد !!!!!
وناس قالت ... ايهاللى بيقوله ده ؟؟
وناس قالت .. استر يا رب
ومن بعد كده تغير حال البلد .. الكل صابه ما صابه
كل من هاجم الرجل ده .. اللى مرض واللى مات واللى جرى له ما جرى
نص اهل البلد هرب
والنص التانى مات وفي فتره صغيره .. تكاد تكون اشهر بسيطه
اصبحت البيوت بلا اهلها
اصبح كل من راح المكان ده اما مفقوم او انه راجع فاقد عقله من الاهوال
ويقال ان منجى لسه عايش هناك
بس الله اعلم .....

قرية الأشباح ج2


نفتكر اللى حصل مع زين واللى سمعه من الرجل العجوز ..
الشيخ جابر أكبر رجل سنآ فى القريه
بالمناسبه زين وعبير عندهم 11 سنه وبيدرسوا ف مدرسه داخلى من صغيرهم ..
لأنشغال الجد وكبر سن الجده في رعايتهم ..
المهم .. بعد اللى سمعه من الشيخ جابر .. جه على وجهه حاله مختلطه بين الرعب والشوق للمعرفه أكتر بقريه الاشباح .. او مدينه الاشباح ...
أستأزن الشيخ جابر وطلب انه يمشي ..
قعد زين يدور ويلف فى البلده .. سارح في كلام الشيخ جابر..
لحد ما قلقت عليه جدته .. سئلت اخته عبير عن إذا كانت تعرف مكانه ؟؟
جاوبت عبير .. معرفش .. !!
وبعد فتره مش بالكتير عند المغيب رجع زين ..
الجده : كنت فين يا زين ..؟؟
زين : كنت عند الشيخ جابر .. بيحكى لى عن زكرياته زمان ..
زين .. جدتى انا سئلت الشيخ جابر عن البلده اللى عند طرف البحر ..
الجده .. تانى يا زين .. مش كننا انتهينا من الحايه دى ؟؟
سمع الجد كلامها .. ورد وقال .. يا زين دى حكايه وعدى عليها عمر كبير .. لا انا ولا جدتك ولا اى حد من اهل البلد سئل وفكر ف حال البلده دى زيك كده .. انسي يا ابنى .. ومن بكره الصبح أعمل حسابك انك هتساعدنى ف شغلى .. محتاجك معايا شويه ..
زين :: بعد شويه سكون .. حاضر يا جدى .. انا معاك
وبعد تفكير .. قرر زين تسجيل كل اللى سمعه من الشيخ جابر فى كراسه صغيره من عنده
وفعلا سجل كل كلمه .. وتانى يوم الصبح .. عبير جت لزين وطلبت منه ان يشيل من دماغه حكايه القريه المهجوره لأنها ابتدت تخاف من الموضوع ده .. وانه يسمع كلام جده وجدته لأنهم اكيد عايزين مصلحته ...
رد زين وف حماس .. اكيد نسيت الموضوع .. متخافيش عليا .. 
وبعد اسبوع من خروج ودخول زين مع جده كان زين ف كل يوم بيزيد شوقه اكتر لمعرفه سر البلده الغريبه ..
كان يخرج مع كل نهار يوصل لحد بدايه المكان ويرجع تانى
حس بشئ بيدعوه الدخول .. شئ يجذبه لمعرفه سر المكان ...
وف يوم فتح زين كراسته اللى دون فيها جزء من قصه البلده المهجوره .. وكتب فيها .. " انه هيروح يشوف المكان العجيب .. ويكون اول من يكتشف الاسرار "
وفعلا اليوم ده منامش زين .. فضل صاحى حتى اذان الفجر .. يفكر
الجد : صحى لصلاه الفجر .. زين .. انت صاحى ..؟
زين : نعم يا جدى .. انا جى معاك اصلى الفجر ..
وفعلا نزل زين مع جده لصلاه الفجر ..
وبعد رجوعهم من الفجر .. الجد قال لزين انه داخل ينام لحد وقت الشروق والعمل ..
زين قال لجده انه هيفضل صاحى شويه وبعدها يدخل ينام ..
لكن كانت اللحظه ..
قرر زين مع شروق فجر يوم جديد انه يروح البلده وحده من غير علم اى شخص
ولا حتى اخته عبير ...

راح زين لحد طرف البلده .. عند الصخور السوداء المغطاه بالملح الكثيف .. والاشجار القصيره

كانت البدايه ..
دخول زين قريه الاشباح ...
دخل زين المكان وكان غالب عليه طابع السكون القاتل .. مفيش غير صوت الرياح بين جدران بيوت قديمه وصوت البحر .. ليس إلا
فضل زين يجول ويدور بين البيوت بأستغراب شديد .. بلده كامله من غير اهلهاا ؟؟
مش زين كتير وكتير لحد ما شمس النهار بقت شديده .. والجو حر ..
غلب زين التعب وقرر انه يرتاح شويه ف مكان ظل .. ويكمل مشوار واكتشاف المكان ..
كان ف الوقت ده جده زين وعبير اخته كانو فاكرين زين كل ده نايم ولسه مصحيش ..
كانت غريبه .. لما عبير راحت تصحى زين وانه مش ف الاوضه بتاعته ..!! ولا اى مكان
ردت الجده : اكيد زين راح مع جده من الصبح .. لكن ازاى من غير ما حتى نشوفه ..؟؟
بعتت عبير لجدها تسئل عن زين وتطمن عليه .. كانت المفاجئه .. زين مجاش يا بنتى .. ده رد جدهاا .. 

وكان ف نفس الوقت ده .. زين غلبه النوم ونام بجانب صور بيت من بيوت القريه المهجوزه .. قريه الاشباح
..........
عدى وقت كبير .. ساعات كتير وبسرعه ...
كانت الجده ف حاله قلق وخوف على حفيدها .. الجد كان بيبحث عنه ف كل مكان ..
مفيش حد شاف زين ..
عبير .. كانت بتبكي من خوفها عليه ..
....................
جه وقت المغيب .. كانت كل البلده على علم بأختفاء زين الصغير .. راح فين الولد
فقد كل الموجودين الامل ف رجوعه .. يوم بحاله غايب عن البيت ..
طلعت عبير اوضه زين تبكي فيها على اخوها الوحيد .. وتدعى ربها انه يرجع ليها بالسلامه
وكانت المفاجئه ........!!!
عبير ... صرخت صرخه مفزعه .. وكأنها شافت شبح مخيف ..
سمع كل الموجودين صوتها .. وف لحظه كان الكل عندها ..
المفاجئه .. عبير ف ايديها كراسه زين .. كاتب فيها تاريخ اليوم وانه رايح البلده المخيفه ... البلده المهجوره ..
وسط دهشه كل الموجودين .. وصراخ الجده .. يا حبيبي يا ابنى .. وبكاء وعويل من سيدات البلده
كانت اللحظه ..
لحظه ما كان زين بيصحى من نومه كبيره .. مفاجئه لحظه وجوده ف مكان مظلم .. ظلام شديد
نسي زين انه كان ف القريه وانه نام فيها فعلآ ...
ولكن سرعان ما افتكر انه كان تعبان وقال يرتاح ف مكان ظل ...
دب ف قلب زين الرعب .. لانه جه عليه الليل وهو ف المكان ده ..
زين مش شايف اى حاجه .. بالعافيه ضوء النجوم منور المكان ..
صوت الهواء .. بين البيوت .. بكى زين من خوفه ..
لكنه فكر انه يحتمى ف نفس مكان لحد شروق الشمس ......
وكانت المفاجئه ...
اصوات همهمه .. اصوات ناس وكأن حشد كبير من الالاف ...
زين قلبه يدق من خوف رهيب .. دخان ونار .. ضحكات مخيفه .. كلمات بدون معنى
زين .. يا رب احمينى ..
وكانت اللحظه .. لقى زين شئ مفيش مخلوق يصدقه ..
رجل مخيف .. شكله مرعب .. فظيع .. لبسه قديم ..
هيئته مرعبه .. ماشي بأيده عصايه .. تشبه الحربه .. ماشي بينطق بألف صوت ..
اصوات ناس كتيره بجسد رجل واحد .. فظيع مخيف ..
ماشي يطوف بين البيوت ... ضحكات مفزعه بأصوات رنانه ...
كانت المفاجئه . .. منجى ... !!
حاول زين يغمض عينه ويمنع نفسه من سماع صوته ولكن خوفه غلبه ..
ف توتر ورعب .. قرر زين الهروب .. الجرى اسلم حل من الاستسلام للخوف ..
....
كان ف نفس الوقت قرر الجد انه يجمع رجال القريه وانه يروح يدور على زين ... وانه ينقذه ويرجعه البيت
خاف اللى خاف ورفض كتير من الناس انهم ييجوا معاه ...
لكن الجد وف اصرار عجيب اللى يخاف يخاف انا رايح وحدى ..
كان الكل عارف انه الذاهب مفقود .. لكل بأصرار الجد تشجع بعض الناس وزادهم حماس المجازفه ..
..
وكانت اللحظه .. لحظه وجود زين ف قريه منجى الدجال ..
زين قرر الجرى .. بس على فين .. انا مش شايف حاجه .. اجرى وخلاص
جرى زين المسكين .. وكانت المفاجئه .. انه يلاقى منجى الشبح الدجال المفخيف قدام عينيه ..
وكانت اللحظه .. لحظه وجود جد زين عند طرف البلده .. مع الرجال ...
ومع دخول الجد البلده .. كانت صرخات زين المسكين زى الجرس ف كل مكان يرن
اتفاجئ الجد وكل اللى معاك ..
كان زين ف قبضه منجى .. ضحكات مرعبه مفزعه .. عاليه بألف صوت ..
كانت لحظات ف قمه الفزع .. لكل الموجودين .. منجى الدجال قابض الارواح .. معاه زين المسكين ..
جرى اللى جرى من الخوف من مواجه الشبح الدجال منجى .. وبقي اللى بقي مع الجد ..
وبثبات شديد كان بيدور الجد على زين ..
كانت المفاجئه .. اصوات من كل مكان وكأنها الموت يحاصر كل الحاضرين .. وقرر رجل من الرجال الموجودين .. حرق البلده دى والقضاء على منجى الشبح الدجال .. وافقه الجميع إلا الجد .. خاف على زين .. لكن مفيش حل
وف لحظه تحول المكان كله لنار وحريق .. كان الهلاك ف كل مكان ..
وكان زين صراخه اعلى .. حاول منجى الدجال انه يقتل زين لضمه لقائمه الارواح اللى جواه .. كانت اللحظه لحظه تحضير منجى الجن لأخذ روح الصغير زين
لكن الحظ كان حليف زين .. وانقذه من ايد الدجل منجى ..
الكل اجتمع والكل قرر محاربه الدجال بأيات القرأن
والهجوم على بيته الصغير الملعون ..
وقرروا حرق بيته البيت بالكامل ..
ونجح الجميع ف أخراج زين من قبضه الدجال منجى .. وكانت اللحظه .. لحظه ما النار مسكت ف كل مكان .. كان مصير بيت منجى الهلاك .. منهم اللى قال ان منجى هرب .. مش معقول يكون مات .. لانه دجال وشبح .. ومنهم اللى قال انه راح من الحريق والهلاك اللى حل بالبيت ..
بعد اللى حصل .. رجع الجد مع زين واهل البلده وقت شروق فجر يوم جديد .. كانت الفرحه والزغريط ف كل مكان ..
انقذ الجد حفيده من قابض الارواح الدجال ورجع الامن ف كل مكان .. وانتهت قصه قريه الاشباح ...

مقبرة الشياطين:



وهو مرج دائري يقع في روسيا وتحديدا وسط كاجميسك التي في مقاطعة كراسنويارسك, يبلغ قطره حوالي 200 متر ويبعث الخوف في النفس عند الاقتراب منه وترى فيه بوضوح بقايا عظام وجلود حيوانات وطيور, اما اغصان الاشجار فعارية من الاوراق والمرج نفسه خال من النباتات، وقد حدث ان اقتربت منه كلاب الرعاة فلم تلبث ان غادرته مذعورة ولم تقرب الطعام بعد ذلك حتى ماتت جوعا...



2-بئر الالهة:



يقع هذا البئر في الهند وتحديدا بهيرابا , وهي حفرة عميقة ويعتقد ان الهة تسكنها ولا تسمح لاحد بالنزول اليها الا القردة التي تذهب اليها للبحث عن طعام...ويروي السكان الكثير من الحوادث حيث حاول رجال النزول اليها ولم يعودوا



3-الرأس الميت:



وهو في روسيا في ناحية تشاينسكوي من مقاطعة تومسك, وهو عبارة عن قطعة يابسة تقع وسط مستنقع ويبلغ طوله حوالي 300م وعرضه 20-30م وتنمو عليه اشجار الصنوبر التي يتجاوز طولها 50م ومحاط بضباب طوال السنة..ويقال ان كل من يقترب من هذا المكان يختفي




4-بحر الشيطان:


وهي منطقة تقه بين هونغ كونغ والفلبين وتايوان ويقال ان الاف السفن اختفت فيه..




6-وادي مقطوعي الرؤوس:


يقع في كندا وتحديدا في كلودايك ولقب بهذا الاسم بعد وقوع ماساة في عام 1905 حيث اتجه الاخوان فران ويليام ماكليور مع صديقهما روبرت جير الى ذلك الوادي للبحث عن الذهب, ولم يعرف عنهم اي شئ خلال 3 اعوام من مغادرتهم, غير ان احد الصيادين اكتشف بعد 3 سنوات هياكلهم العظمية بدون رؤوس.
ومع مرور الزمن ازدادت مثل هذه الحوادث , وفي عام 1965 اختفت بعثة مكونة من سويديين والماني قصدت ذلك الوادي بغرض الكشف عن سر فقدان النقابين عن الذهب هناك...



7-مثلث برمودا :


غرب المحيط الأطلنطي تجاه الجنوب الشرقي لولاية فلوريدا بالولايات المتحدة الأمريكية ، وبالتحديد أكثر هذه المنطقة تأخذ شكل مثلث يمتد من خليج المكسيك غرباً إلى جزيرة ليورد من الجنوب ثم برموداً ( مجموعة من الجزر 300جزيرة صغيرة مأهلوة بالسكان 65.000نسمة ) ثم من خليج المكسيك وجزر باهاما .


سبب التسمية
عرف مثلث برمودا بهذا الاسم في سنة 1954م من خلال حادثة اختفاء مجموعة من الطائرات وكانت تأخذ شكل المثلث قبل اختفاءها وهي تحلق في السماء كما لو كانت تستعرض في الجو ومن وقتها أصبحت هذه المنطقة تعرف بهذا الاسم وظلت معـروفـة به ، وقد سميت هذه المنطقة بعدة أسماء منها " جزر الشيطان " " مثلث الشيطان

شكرااااااااااااااااااااااااااااااااا

جميلةٌ هي
و إن لم أخطئ فقسم القصص أحق بها
تقبل مروري

فعلاً قد لا يدرك الفرد أن ما ينقصه هو ما يزيده عن غيره بطريقة او بأخرى

اخي الفاضل .............
سلمت الانامل التي خطت هذا الجمال .
ونسجت من الاحرف بديع اللوحات
دام عطائك العذب
ودمت نجما لامعا فى سماء الروقان

تحياتي وودي

شكرى وتحياتى لك ولمرورك الطيب وكلماتك الجميلة