لحم بالخضار وصوص الباربكيو (( المطعم الصيني ))

أولا ً :- المقادير


@ نصف كيلو لحم مكعبات مقطع قطع صغيره

@كوسه
@ جزر
@ فلفل رومي
@ بصل
@ صوص باربكيو
@ صويا صوص حلوة أو معتدله
@ ملح
@ بهارات دجاج
@ دقيق
@ صلصه طماطم
@ زيت زيتون



ثانياً :- نبتدي الطريقة بسم الله


أولا هقطع اللحم قطع صغيره بالحجم ده تقريبا



بعد كده هتبل اللحمه بمعلقتين كبيرتين صوص باربكيو وملعقه كبيرة صوص صويا وملح وبهارات الدجاج ويترك بالتتبيله لمده نصف ساعه تقريبا




وده شكل اللحمه بعد التتبيل




بعد كده هقطع الخضار بالأشكال التاليه بشكل طولي




بعد كده هضيف معلقتين زيت زيتون كبار في حلة وأضيف عليهم البصل وأقلبه لحد مايدبل بس أوعي يصفر منك




بعد كده هضيف الجزر وهقلبه شويه وبعدين أوطي عليه وأغطي الحله وأسيبها لمده عشر دقايق




بعد كده هضيف الكوسه وأقلبها برضوا ثواني وبعدين أغطيها لمده عشر دقايق تانيين وانا موطيه عليها ومغطيه


وبعدين هضيف الفلفل الرومي وعليه شويه ملح وبرضوا هغطيه وأسيبه لمده عشر دقايق


وبعدين أطلعه من النار وده شكل الخضار بعد ماأستوي


بعد كده هجيب حلة تانيه وأحط فيها معلقتين زيت زيتون واضيف عليها اللحم وأسيبها علي نار هاديه لمده عشر دقايق وهغطيها


وبعدين أضيف عليها الخضار واقلبه وأطفي عليه النار لمده دقايق لحد مانجهز الصوص


نبتدي بقي في عمل الصوص أن شاء الله

أولا هنجيب طاسه ونضيف عليها 3 معالق زيت زيتون وعليها 3 معالق دقيق ومعلقه صوص باربكيو ومعلقه صلصه طماطم ونحرك الخليط علي النار


بعد كده ده هيكون شكل الخليط لما نقلبه علي النار لمده دقيقه أو دقيقه ونص تقريبا


بعد كده هبتدي أضيف الماء الدافي حبه حبه لحد مايكون عندي صوص




وممكن يابنات يكلكع معاكم شويه مش مهم أعملوه بمضرب او اضربيه جامد هيحل لوحده وهيبقي بالشكل ده أن شاء الله وهيكون قوامه متوسط يعني مش خفيف زي الميه ومش تقيل زي البشاميل


بعد كده هضيف الصوص علي الخضار واللحمه وأسيبه لما يغلي وبعدين أوطي عليه وأغطيه وأسيبه لحد ما اللحمه تستوي أن شاء الله ولو حسيت أن الصوص أبتدي يقل ولسه اللحمه ماأستوتش ممكن ازود مياه عادي


وبعد مايستوي هقدمه مع أرز أبيض بالشكل ده وبيكون الطعم ممممممممممممم يم يم يم روعه ياقمرات والله جربوه وهيعجبكم أن شاء الله