رفيق العمر 2013

رفيق العمر 2013
رفيق العمر 2013 -رفيق العمر 2013
رفيق العمر 2013
السلام عليكم ورحمة الله وبركاته

التقيت
بصديق قديم هو بالنسبة لي بمثابة الأخ لما يربطني به من صداقة متينة منذ
مايقارب 18 عاماً تقريبا عندما كنا بالصف الثاني الإبتدائي .. لم تعجبني
قسمات وجهه وكأنه يحمل في صدره حملاً ثقيلاً .. كان شاحباً الوجه مهموم
الخاطر .. وبما أني أعرف هذا الشخص كما أعرف نفسي فقد عرفت مكنونه وماذا
يخبئ في قلبه

دار بيني وبينه حديث مطوّل سألته عن مابه فأجابني وكان ماتوقعت ... (( رجل عاشق ))
هذا
الشاب أنا أعرف قصته من بدايتها فقد عشتها منذ بدأت ولكني لم أتابع
تفاصيلها ولم أكن أسأله عنها لاحقا لظني أنها نزوة وربما تنتهي.

لحسن
الحظ كان اللقاء في منزلي فقد قمت بخبث بالاستأذان من صاحبي وذهب لأحضر
جهاز تسجيل صغير من الداخل لأسجل الحوار اللي سيدور بيني وبينه دون علمه
ليس لأمسك على صاحبي شيئاً في المستقبل ,, معاذ الله , لكن لكي لا أخسر
كلمة مماسيدور بيني وبينه من حوار لأني أحببت أن أطرح هذا بين أيديكم أخوتي
لعلي أجد لديكم حلاً لمشكلته وأعتذر بشدة من صاحبي الذي سأطلعه على ردودكم
وسأعطيه الشريط ليتلفه بطريقته.

إليكم أخوتي مادار بيني وبينه من
حديث وسأنقله كما هو دون نقص أو زيادة واتمنى انكم تتحملون الاطالة لان
الموضوع جدا مهم ويمكن تكرر كثير بحياتنا والقضية جدا مهمة وأترك الحكم لكم
في نهاية الموضوع ...




لي أثر : بوعابد وش قصتك انت متغير علينا وماعاد تنشاف ياخي حنا يالمتزوجين ماقطعنا هالقطعة؟؟

الصديق : والله مافيني شي ياخي بس ودي اتزوج وماني عارف شلون وضعي سيء وحالتي حالة ياحظك انت ماشاء الله عليك.

لي
أثر : ياخي تزوج ماحد رادك واذا ناقصك شي ترانا نعين ونعاون وانت اكثر من
أخو واهلك انشالله مو مقصرين ماشاء الله عليهم ماعليهم قاصر. بس انت بدي
النية وشوف لك بنت الحلال وكل شي يتسهل.

الصديق : بنت الحلال ( سكت شوي وهز راسه ) آآآآآه بنت الحلال موجودة بس شلون أوصل لها؟؟

لي أثر : ليش شلون توصل لها ؟؟ زي الناس ماتوصل ... بس منهي هذي اللي مانت قادر توصل لها؟؟

الصديق
: تتذكر فلانة اللي اتعرفت عليها بالشات ( قاطعته بالكلام : والله اني
داري وهذا اللي توقعته ) .. ليش ياخي وش فيها البنت ممتازة ومافي زيها
واهلها اكثر من طيبين.

لي أثر : بس ياخي هالكلام من زمان انت للحين
معها؟؟ ثانيا مو كأنك قلت لي مرة أنها كذبت عليك وصار لها سنه ونص تلعب
عليك وانك بتتركها وش اللي تغير؟؟

الصديق : اسمعني بقول لك السالفة
كلها , اسمعني بعدين قل لي وش اسوي " أنت تتذكر اول ماتعرفت عليها كنا نضحك
ونستهبل وانت اكثر واحد يعرف علاقتي معها لاني كنت اقول لك كل شي وانت
عارف بعد اني قعدت معها اكثر من سنة ونص عالنت وانها كانت تكذب علي .. قالت
لي ان امها مو سعودية وانها عايشة بعيد عن امها وان ابوها يعاملها معاملة
يعني لك عليها وانها مريضة ومسوية عمليات اورام حميدة وخبيثة وتعطيني من
هالرخيص , وانا مع مرور الوقت تعلقت بالبنت حبيتها حبيت اسلوبها حبيت طبعها
حبيت برائتها البنت نظيييييفة ماتعرف وين الله حاطها بالدنيا لكن مع كذا
عارفة لروحها كانت تكذب علي فعلا بس هالكذب كان القصد منه انها تحافظ على
روحها يعني مو تقول كل شي لواحد مايربطها فيه الا تشات والا مسنجر , وتخيل
اكثر من سنة ونص وهي تكذب وتكذب وماعمري بيوم حسيت انها تكذب علي وباي كلمة
تقولها البنت ذكية فوق ماتتخيل ونبيهة وهذا اللي حببني فيها من البداية ,,
طبعا انا مع مرور الوقت حبيتها وقلت لها هالشي وهي بعد ما انكرت حبها لي
والله العالم ان هالحب كان وراه نية صافية واني نويت اني اخطبها لكن هي
اللي كانت ترفض تحجج ان اهلها بيرفضون وعندها عقبات لكن ماقالت انها
ماتبيني , طبعا مافي عقبات ولا شي بس هي كانت خايفة تعترف لي انها كانت
تكذب علي عشان ما اتركها , ومع اصراري اعترفت لي وانا قلت لك وش صار ( امها
مو اجنبية وهي عايشة بالبيت مع امها وابوها وعندها اخوان وهي اكبر اخوانها
ووضعها طبيعي جدا ) , انا وقتها حسيت اني اعرف هالبنت لاول مرة مو هي نفس
البنت اللي عرفتها وحبيتها ونويت اني اتقدم لها ,, المهم قعدت يومين مو
مصدق اللي هي سوته فيني والله العظيم وربي يشهد علي اني حبيتها من كل قلبي
وكنت صادق معها بس بعد مافكرت باللي سوته عذرتها .... فعلا كان معها حق
تكذب علي وتسوي فيني اللي سوته لانها ماتعرفني وماتثق فيني ولا في احد لانه
مو معقولة تدخل مكان تتسلى تطلع وهي تحب ومتعلقة .

لي أثر : يعني ماتركتها واستمريت معها؟؟

الصديق
: ايه استمريت معها ولحد الحين معها صار لنا 3 سنوات ونص وصرت اكلمها من 6
شهور بس لاني فعلا قررت اني اخطبها واتكلمنا عشان نرتب كيف نقدر نوصل لبعض
خاصة زي مانت عارف انا من مدينة وهي من مدينة؟

لي أثر : ماشاء الله
وصلتو للتلفون؟؟ ماتخاف بكرة لما تتزوجون مع الوقت تصير تشك فيها ؟؟ فكر
زين تراك ماتظمن الظروف والشيطان شاطر .. انا ماقصدي اشكك بالبنت انشالله
البنت طيبة بس الشك يمكن ياخذ طريقه لقلبك بدون سبب؟؟

الصديق :
والله العظيم لو تعرف علاقتي معها ماتقول هالكلام .. شلون اشك فيها انت
مجنون .. بعد كل اللي سوته معي؟؟ انت ماتدري وش سوت معي؟؟ والله انا تغيرت
كثير كثير عن اول .. انت تذكرني ماكنت اصلي الا قليل حسب الظروف والمزاج
الله لا يبلانا , وربي غيرتني خلتني احب الصلاة من كثر ماتنصحني وتقول لي
صل وتصحيني لصلاة الفجر وتنبهني لوقت كل صلاة , غير كذا علمتني اشياء كثير
كنت ماعرفها , ويكفي اني اعتمرت عنها عمره .. تذكر يوم رحت مكة لحالي
برمضان؟؟ تراني رحت ماقول عشانها لكن هي اللي حمستني اروح واعتمرت عني
وعنها. والحمد لله الحين ماتفوتني الصلاة بالمسجد هذا كله بفضل الله ثم
فضلها علي .. غير كذا وربي البنت طيبة واهالها طيبين ومتربية تربية ماتتصور
كيف اكثر من ممتازة والله ماراح القى احسن منها زوجة لكن المشكلة اني ماني
عارف كيف اقدر اوصل لاهلها ؟؟ وحتى لو وصلت يبي لي وقت وانا راتبي مايشجع
على الزواج ( 2500 ) انا ادري اني لو ابي اتزوج بيزوجوني اهلي بس من وين
اصرف راتبي مايكفي ولو اتقدم لها ماراح اهلها يوافقون لان الراتب قليل ,,
ثانيا البنت مو صغيرة عمرها 21 وتقدم لها اكثر من 6 وهي ترفض عشاني واذا
انتظرت اكثر من كذا اخاف اهلها يضغطون عليها ويزوجونها وهي تقول ماراح
تتزوج من غيري لو وش يصير واخاف اهلها يشكون فيها وتصير مصيبة , البنت
اهلها متدينين ومستواهم زين يعني مو سهل انهم يعطون بنتهم لواحد راتبه قليل
يعني ابوها راتبه 30000 ريال مو معقولة يزوج بنته لواحد راتبه زي راتبي ..
ياخي والله هالسالفة ملخبطة حياتي وماني عارف وش اسوي , احيانا احس اني
ظلمت البنت وظلمت نفسي معها ولما اتذكرها اجلس ابكي لاني فعلا احبها
ومستحيل اتخيل نفسي مع وحدة ثانية غيرها . والله العظيم اني استخرت اكثر من
مرة وانا ادعي ربي كل يوم انه يجمعني فيها وانها تكون لي زوجة ادعي بكل
صلاة ,, اصلي الوتر كل يوم وادعي بنص الليل ان ربني يوفقنا وادعي ربي اكثر
انه يستر علينا ويرزقني ويعيني على الزواج منها , والله ماتتصور وش قد
احبها ووش قد انا متمسك فيها ومابي غيرها .......



طبعا اخواني ماهو هذا نهاية الحوار بيني وبين صاحبي الحوار كان طويل انا اختصرته قد ماقدرت وحطيت بين ايديكم خلاصة الموضوع ..

آسف
جداً على الإطالة واتمنى تفيدوني بآرائكم حول الموضوع ورايكم بعلاقات
الانترنت وهل ممكن الواحد يختار شريكة حياته من وراء الاسلاك؟؟؟؟