على ذكرى المواجع

على ذكرى المواجع والسفروالحل والترحال
طويت اخر ورق عندي طويته بدفتر احزاني
طويته وانكسر قلبي وصوتي بالمواجع سال
ودريت ان الظلام اللي تحت كف السهر جاني
جلست اجمع مسافاتي واغني للسفر موال
على صفحه من الماضي بها حلمي وعنواني
بها كم سافرت عيني ليالي والظلام أهوال
وبها كم سافرت روحي وانا بالليل وحداني
حبيبي ليله البارح مشيت من الغرام اميال
واناظر رحله الذكرى هدب عينه تحداني
حبيبي كل ماشوفك تجي بالذاكره تختال
نهر من فايض الذكرى يجي من داخل اشجاني
تخيل يوم عانقني خيالك خاطري وش قال
تخيل قبل اسولف لك نشدني عنك وجداني
نشدني لين خلاني مدينه هزها زلزال
تخيل ما هدى حتى لقاك بوسط شرياني
اروح لسدرة الموعد معاي لموعدك مرسال
واخاف انك تجي قبلي وترحل قبل تلقاني
هنا كانت لياليناا غلا والمقبلات آمال
هنا كانت مواعيدك مطر تخضر بها اغصاني
هنا كانت نواظرنا سوالف في كلام اطفال
وهنا كانت عصافيرك على دربي تحراني
هنا شف باقي اثارك على رمل الوعد مازال
وهنا شف دمعه طاحت من عيونك على شاني
حبيبي كيف تنشدني عن اوضاعي وكيف الحال
انا بعدك سحاب ابيض اضم الريح بأحضاني
غلاك بدله الذكرى بهار وهاجسي فنجال
تقهواه الجروح اللي بها ذكراك تنصاني
تسافر بي واحسب اني وصلت اخر وطن بالبال
واثرني ماوصلت الا بدايه درب حرماني
وتبقى سيره الذكرى قصيده تكتب الترحال

سوالف للعيون اللي صداها دمعة احزاني

رائعة اخية

نحن نتخلى عن ثلاثة أرباع أنفسنا لكي نصبح مثل الآحرين.

آرثر شوبنهاور