ماهو بـْ صمت المشاعر !
والشعر / عالم غريب
فيه صمتي كم يعبّر عنه قولي
فيه .. كم يزهر ذبولي
فيه جيت افرح .. لقيت ان الحزن أعذب وأقرب ياهطولي
فيه جيت أحزن .. وطاحت دمعةٍ فيني قديمة
واختزلت الذكريات
والغريبه .. صفّقوا لي
الشعر ذا / فصل خامس
تزهر الكلمات فيه ، يوم اتساقط ألم
فيه ليه .. وفيه انا ماعرف ليه
فيه ملجأ .. فيه تيه
ورغم هذا بيننا قصة وفا
كل ليله .. يا يجيني .. يا أجيه !
الشعر : حرف جامح ، وانثناءة ورق
. . . . . يحكي من الحروف / حروف متجدّده !
الشعر : كيف أنام .. وكيف هذا الأرق
. . . . . يُورق بـ حرف يجهدني ، وانا اجهدَه ..
الشّعر : كيف هذا الليل .. فيني غَرق !
. . . . . والسّهر : صبح يا كم يخلف بـ موعده
الشّعر : كيف من دون الشّرر نحترق !
. . . . . الشّعر كيف له حسّ و .. بدون أفئدَه ..
الشّعر ( فصل خامس ) غيير لامن ورَق
. . . . . يقطف من الحزين .. ( انفاسه الموردَه ) !
الشّعر احساس ، واخلاص .. ووفا !
ماخذلني ، لو خذلته ..
أثقله بـ الحزن لكنّه يشرّفني اذا في يوم .. قلته
الشّعر : قصّة سهَر
والبطل فيها حنيني
وفي نهاية كل فصل .. اقول / باقي فصل , وتحنّ .. وتجيني
الشعر قلبٍ على الشباك مرمي .. ينطر الغيّاب وعروقه يديني !
الشعر .. شمعة / .. ودمعات .. وحنين !
الشعر قصة كفاحي
يوم أقول انّك مع الوقت بـ تجين !
الشعر انسان مثلي
الشعر .. مشتاااااق .. مثلي
ودّه انه كل ما أكتب .. يضممك .. بس ماعنده يدين
بس .. ماعنده / يدين ..
موضوع: ماهو بـْ صمت المشاعر ! 
السبت يونيو 16, 2012 4:37 pm
