طريقة عمل الكشري..

المقادير
نصف كيلو ارز مصرى
ربع كيلو عدس اسود
ربع كيلو مكرونة صغيرة خالص
ربع كيلو مكرونة الاكبر حجم سنة
ربع كيلو مكرونة اسباجتى
ربع كيلو شعرية
نصف كيلو عصير طماطم مصفى
نصف كيلو بصل مقطع مربعات صغيرة جدا جدا
حوالى 10 فص ثوم مفروم
ملعقة خل ابيض كبيرة
زيت
نصف كيلو حمص شام
الطريقة
الحمص لازم يكون مغسول من قبلها بليلة ومنقوع وثانى يوم بقة واحنا بنعمل الكشرى نضع الحمص على النار ونغمرة بالماء ونضع معاة حبة طماطم صحيحة وكمون ولما ينضج نضع الملح
اولا هنجيب زيت ونسخنة كويس وننزل فية البصل ونقلب لحد ما البصل يبقى ذهبى غامق
وننشلة من الزيت ونضعة على ورق ماص
ثانى حاجة نعملها نسلق الكرونات فى ماء وملح ونقطيتين زيت علشان الكرونة متتعجنش
وبعد ما المكرونة تتسلق ننشلها ونضعها على مصفاة وناخذ ملعقة من زيت البصل ونقلب بيها الكرونة كلها
بعد كدة بنجيب قدر ونضع فية ملعقتين زيت ونقلب فية الشعرية واول ما تصير ذهبية ننزل عليها بماء ممزوج مع ربع مكعب ماجى واول ما الماء تغلى نوطى النار ونسيبها تستوى
بعد كدة بنسلق العدس وننشلة من الماء ونضعة جانبا
ونضع الطماطم مع زيت على النار لحد ما تصير صلصة ثقيلة نوعا ما
وبعد كدة بنطبخ الارز وكل واحدة تعملة بنفس طريقتها الفرق الوحيد هو انك هتخلطى الارز النى بعد غسلة مع العدس
وبعد كدة بتطبخية عادى جدا
انا مثلا بعملة بانى اخلط الارز مع العدس وبعدين احط نصف ملعقة زبد ومعاة شوية زيت وبعدين
انزل الارز عليهم بعد طبعا ما يكون نشف من الماء والعدس مخلوط بية
انزلهم فى القدر وارش عليهم شوية فلفل اسود واقلب لحد ما نلاقى كل حبة ارز بتنفرد بنفسها بعدها ننزل بالماء الساخن ومرقة الدجاج والملح
واعملوا حسابكم كوب الارز الواحد بيحتاج كوب وربع ماء ساخن
ونقلب ونسيبة يغلى واول ما يشرب الماء نوطى خالص النار خالص ونغطية ونسيبة لحد السواء
بعد كدة اثناء الارز ما يكون بينضج نعمل الاتى نجيب الثوم ونضع علية الخل وكمون وملح وشوية ماء ونمزجهم ودى بقة اسمها بالمصرى (دئه) همزة على نبرة
بس كدة كل المكونات نضجت
نجيب صحن ونرص كالاتى
اولا الارز حوالى اربع ملاعق
وفوقة حبة مكرونات
وفوقة حبة شعرية وننثرهم كدة واحنا بنحطهم كاننا بننثر ملح ههههه
وفوقة الحمص
وفوقة البصل
وفوقة الصلصة
واللى عاوز يضع شطة ودئة يحط اللى مش عاوز بلاش هيا اختيارية
وبالف هنا وشفاء

اللة يسعد ايامك
ممتازززززززززز