كفته بانية بالخضار والجبنه روعه

أولا ً :- المقادير


@ لحم مفروم
@ ملح + فلفل
@ بهارات كفته
@ خضره (( أي نوع تحبيه ))
@ طماطم مقطعه مكعبات
@ فلفل رومي مقطع مكعبات
@ جبنه شيدر مقطعه أصابع أو مودزريلا أو أي نوع جبنه تفضليه
@ دقيق
@ بيض
@ بقسماط
@ زيت للقلي


ثانياً :- نبتدي الطريقة بسم الله


أولا هجيب اللحمه المفرومه وأضيف عليها الخضره والملح والفلفل وبهارات الكفته




بعد كده هقطع الطماطم والفلفل الرومي والجبنه الشيدر



بعد كده هاخد قطعه من اللحم وأفردها في أيدي زي القرص كده وأحشيها بالطماطم والفلفل والجبنه الشيدر



بعد كده هحط ايدي في طبق فيه ميه بسيطه جدا وأبتدي ألف الكفته لحد ما تتقفل علي الحشو ومايكونش فيه حاجه باينه خالص وبعدين أدخلها الفريزر حوالي نصف ساعه لحد ما تمسك شويه علشان اقدر امسكها كويس وماتتفتحش مني



بعد كده هخرجها وأحطها في الدقيق



وبعد كده في البيض



وبعدين في البقسماط وأرجع تاني أدخلها الفريزر لمده حوالي نصف ساعه تانيه علشان الخلطه تمسك فيها خالص وماتنزلش في الزيت وقت القلي وتحرقه وبعدين هقليها في زيت متوسط الحراره علشان تتحمر من بره وتستوي من جوه



وده شكلها النهائي والطعم وااااااااااااااااو يجنن وكمان بكميه لحم مفروم قليله جدا تقدري تعملي منها كميه كبيره وأنا هنا أستخدمت 150 جرام لحم مفروم وطلع منها 6 اصابع كفته كبار وعملت جنبها أرز بالشعريه (( يارب تكون الأكله عجبتكم ياقمرات ))