نسجت اسمك بقلبي

كتبتك للغلا نبض ونثرتك في الخيااال شعور
ورسمتك صورةٍ في داخل عيوني معلّقهااا

نسجت اسمك بقلبي وانت حرفك من ذهب محفور
عطيتك كلمةٍ والله لغيرك مااقدر انطقهااا

احبك ايه احبك ايه احب وفيك انا مغرور
احاسيسي تجاهك داخل اعماقي موثّقهااا

ولك في خاطري قصه كتبت حروفها من نور
وشمسٍ كل ماغابت اناظر فيك مشرقهااا

تراك اخطيت بفراقك ولو ماتعتذر معذور
انا حبيتك بطوعي وصرت اليوم بك مجبور
انا مااقولها نادم .. جروحي ذي حقايقهاااا

اشوف الحب في عينك بساتينٍ بدون زهور
وقلبٍ يلمس الغيمه .. ولايقوى يعانقهاااا

معك قلبي قضى عمره ولاقد جاه منك قصور
سوى انك ناويٍ روحي بعد وصلك تفارقهاااا

ولولا ان العمر يمشي واخاف ان السنين تدور
لاقول اني احبك موت ولْك الروح سايقهااا

قصيدي له بحر واهداب عينك للقصيد بحور
ابي قبل النجاة اغرَق ، بيدْك الروح واغرِقهااا

أسلوب رقيق ورائع وشفاف ومعبر باعلى درجة

تتنوع قلوب البشر
ويتنوع ميلنا لقلب معين

شدّتني قوة التعابير

لأصل بين معانيها لما هو أقوى و أقوى ..

ودي لذوقكِ الجميل