حـــــــــــب القمر.

خايف اموت يا قمر من غير ما اشوفك


ولا انى يوم يا قمر ألمس كفوفك


عاجبنى فيك يا قمر رقتك وكسوفك


يا خوفى يوم يا قمر تبعد وتنسانى


دا انا كلي ليك يا قمر ولا يوم تروح عن بالى


فاكر زمان يا قمر لما التقينا


ونسينا كل الكلام ولبعض بصينا


ساعتها بس عرفت إن احنا حبينا


يحرم عليا اعيش فى الدنيا من غيرك


ولا انى عينى تشوف فى الدنيا غير عينك


سامع طبول الحب بتدق جوايا


وصوتك فى كل مكان عايش معايا


مكتوب عليا اهواك واعيش حياتى معاك


وكل شئ فيا يحلم يكون وياك


هعبر بحور الخوف واكتب قصايد شوق


واصرخ بأعلى الصوت من غير عيونك أموت


يا قلبي مين قدك دا انت القمر حَبك


وباع نجوم السما وقال سمايا قلبك


علمتنى يا قمر فى الحب أبقى أنانى


أحب نفسي وبس ولا احب شئ تانى


أنت الى جوايا ودا الى خلانى


يا خوفى يا زمانى حبيبي ينسانى


وبعد طول السفر الاقى نفسي مكانى


والاقى نفسي فى حلم محلمش بيه تانى

من أجمل ما قرأت
تحية عطرة

دمت بخير وسعادة

اخي العزيز.............
جميل واكثر من جميل مانقشته هنا
فقد جذبتني سطورك
ومنعتني من تجاهلها
تقبل مني خالص الود والتقدير..

اخي وعزيزي ..... تعلم ان شهادتي فيك مجروحة
لابل ليست مجروحة فحسب
بل مقطعة الاوصال وتنزف تقديرا واحتراما لك
لك مني كل الود والاحترام

طبت وطآبتْ محبرتك العطرهـ