انا حسيت دلوقتي بس بالمقولة اللي بتقول "من أعمالكم، سلط عليكم"
- لولا الأكل المسرطن و الميه الملوثة و السحابه السوده ... مكنوش قدروا يستحملوا الغاز لغاية دلوقتي لمدة 96 ساعة.
- لولا الوقوف في طوابير العيش و طوابير التموين و طوابير التذاكر و .. الخ ... مكنوش قدروا يقفوا علي رجليهم كل ده في الميدان.
... ...
- لولا عدم وجود معامل في المدارس محترمه ... إتعودنا نعمل التجارب في المطبخ و في الأخر بنطلع ميكسات ضد الغاز و خميرة بتركيز 5% و خل بنسبة كذا و بصل و .. الخ
- لولا فقر الشعب و إنه مش لاقي ياكل ... مكنوش قدروا يواصلوا كل ده من غير أكل.
- لولا ان اكتر من 30% بطالة و مكملش تعليمه و مش لاقيين حاجه يعملوها ... مكنتش هتلاقيهم 24 ساعة واقفين رجاله في الميدان.
- لولا اننا اتعودنا ندور علي كل حاجه بنفسنا ... مكانوش عرفوا مكان الأقنعة و مكانوش عرفوا مكان الكمامات و ازايز الرش البلاستك.
- لولا طلاب كليات الطب بيضيعوا 10 سنين من عمرهم عشان يتخرجوا من الكلية ... مكانوش قدروا يعالجوا 80 حالة في اليوم الواحد زي دلوقتي.
- لولا ال3 سنين تجنيد إجباري و جري من الشرطه العسكرية ... مكانوش عرفوا يتصرفوا قدام جهاز الشرطة و الأمن المركزي
موضوع: من أعمالكم، سلط عليكم 
الجمعة أبريل 06, 2012 10:18 am
