جن مغــــزل ضريحك يغزل الصوف

يا ثــــوره قلـــــــم.. بيد اليكتبـــــون
حيّرت بصفـــاتك كــــل الحـــــروف
يبدي وياك مفهــــــــوم الحظـــارات
والتاريــــخ يبدي بيـــــــوم الطفــوف
انته اللي رحتــله وهــــــو ماجــــاك
ما شايــــف بشر عالمـــــوت ملهوف
ولأن تدري بدمـــائك يبقــه هالـــدين
صحتلهن تعالـــن.. وين السيــــوف؟
ما صدك الخــــوف يمـــرك بلحظات
هــوه الخــــــوف منك كاتله الخــوف
ســــهام اللي أجنك كلهن مـــــن بعيد
لـــذلك حسبتهـــن يمــــــك ضيــوف
تبجي اعله اليكتلك ما تبجي عالحــال
طيب الكــون عندك هذا معــــــروف
سيف اللي يضـــــربك يبجي وينــوح
يصرخ مــــو بديـــه.. ولونه مخطوف
ردت اتخيــــلك وأبـــــــالي أخليـــــك
عمت عينه خيالي وصاح.. ماشـــوف
انته اول أســــــم..ما كدرتــــه أقــلام
وانته اول نهـــــر ما لمتــــــه جروف
مـــــره تصفحت شخصـــــيتك بشوكَ
أنه عقلي عمــــــر ويــــاك مجتــوف
كلما عــــرف خصله..يطلعن هــواي
ثاري اعله السطــح ما واصل الجوف
كَلبي بكـــــــربله ظل عايــــش سنين
وسنيني المحبتك راحــــــن زحـــوف
شفت الدنيا كلــــــها بكَبتك مــــولاي
ونجــــوم وكواكب جايـــــة اطـــوف
مثل صوف الذنب..بس لمــــــن نزور
جن مغــــزل ضريحك يغزل الصوف
جرحـــك يا حسين...تعيـــــده الايـــام
ما فاد الوكت ...لو حـــــــاول يروف
كل لحظه يتجــــــــدد بينه ما طـــاب
عشكناه واليحب مـــــا يكــــدر يعوف
ولأن عبـــــاس لجلك أنطــــــه جفين
كمنه اعله الصدر نلطــــــم بالجفوف