قصيده للشاعر محمد العازمي

[size=16]السلام عليكم ..
[/size]

[size=16]هذي قصيده للشاعر محمد العازمي من قبيلة العوازم الهوازنيه يصف بها جميع القبائل .. ولكم ما جاء في القصيده ..[/size]

[size=16]يقول الشاعر :[/size]

[size=16]بسم الله ابدي وابتدي نظم قافي=ابيات شعرن ما عليها خلافي
من راس رجالن كريمن سنافي=للمنتدى بذكر جميع القبايل[/size]

[size=16]ابدي بربعي مزبن الذيب والطير=عوازمن وقت الملاقا مغاوير
كل العوازم كلبوهم مناعير=شجعان ربعي طيبين الفعايل[/size]

[size=16]يا الاد عازم يا طويلين الايمان=ذباحتن للشيخ في وقت الاكوان
حنا العوازم من هوازن وعدنان=ولاقول قصره في عيال الحمايل[/size]

[size=16]وعشان ما يحسب على طرقنا عيب=ابذكر اللي شفت بالمنتدى جيب
ما هو بتقصيرن لمن ذكرهم غيب=والنعم والله في جميع الحمايل[/size]

[size=16]ابذكر السبعان ذربين الايمان=ريف الركاب موكله كل جيعان
لا ثار ************ المعادين فرسان=ما شفت بالسبعان رجال مايل[/size]

[size=16]وابذكر سهول الجزيره الكريمين=رجال في حق المسير موارين
ولا ثارت الهيجا سعوط المجانين=ما قلتها من غير عرف ودلايل[/size]

[size=16]اما الهواجر ياعرب مسند الضيف=ما كد زبنهم سايلن ما لقى ريف
ووقت الملاقا مشبعين المراهيف=تعجبك فزعتهم ليا حال حايل[/size]

[size=16]وان جيت ابذكر مشبعين المعاطيش=عتبان في وقت الملاقا مغاويش
كعام من يدخل على راسه الطيش=في حقهم ما يسعفني مثايل[/size]

[size=16]وابذكر المطران حمر النواظر =تاريخهم معروف ماضي وحاضر
رجالهم وقت الشديدات حاظر=مطران ما ياطون درب الفشايل[/size]

[size=16]ومن عرضها بذكر رجال الخوالد=تاريخهم بالطيب حافل وخالد
ترثت صحابي نعم بعيال خالد=نقالت الرايه على كل عايل[/size]

[size=16]وايضا ابذكرلي رجالن مشاكيل=كل عنزه شجعان وايضا حلاحيل
تعجبك فزعتهم على العدل والميل=قروم نسل قروم يانسل وايل[/size]

[size=16]ثم اذكر العجمان سقم المعادين=وقت الملاقا ما دخل قلبهم لين
خطلان الايدي للطويلات ضارين=عجمان قبلي جابهم كل قايل[/size]

[size=16]وابذكر المره رجال الحرايب=عون الرفيق مزبنين الركايب
لا هبت هبوب المراجل هبايب=رجالهم للناس مضحي وشايل[/size]

[size=16]واذكر بعد ربع السلوم الوفيه=دواسرن شجعان والنار حيه[/size]

[size=16]الدوسري قرمن يشرف خويه=ووقت الملاقا يردعون الهوايل[/size]

[size=16]ثم اذكر الظفران بالفعل نوماس=وترى الظفيري ياعرب حر قرناس
لطامتن للي يجي فيه هوجاس=ظفران وان عديت عرب السلايل[/size]

[size=16]وابذكر من الطيب ذكر القحاطين=رجالهم كاسب بكل الموازين[/size]

[size=16]وان جت للفزعه رجالن سلاطين=والقول في حق القحاطين طايل[/size]

[size=16]ثم اذكر رجالن قرومن طنايا=شمر ليا ثارت كرام اللحايا
واكرامهم للضيف حطوه غايه=تشهد على ما اقول بدوان حايل[/size]

[size=16]وابذكر رجالن كرامن حرايره=بني تميم ان كان ثارت جسايره
ترى التميمي مزبن اللي يخايره =نعمين منهم طيبين الفعايل[/size]

[size=16]ثم اذكر حروب الجزيره سنادي=اللابه اللي يكعمون المعادي
خويهم يحشم ولا هو بغادي=نسل الكرام مزبنت كل سايل[/size]

[size=16]واذكر بعد بالطيب والجود زهران=لا ثار ************ المعادين شجعان
خويهم ما ظنتي نام حيران=وعندي على ما اقول عرف ودلايل[/size]

[size=16]وان جيت ابذكر ثرثت الجود والطيب=فضول دايم حافظين المواجيب
واللي يعاديهم غذا حظه معيب=شجعان والعربان جايل وصايل[/size]

[size=16]واذكر بعد من عرضها ذكر غامد=رجالهم وقت الشديدات جامد
نعمين منهم طيبين المحامد=من اطيب العربان عون الدخايل[/size]

[size=16]ثم اذكر رجال الحجر والعزيمه=اللي لهم بالطيب والعز شيمه
عدوهم ما نال منهم غنيمه=نقالت الرايه على كل عايل[/size]

[size=16]واذكر بعد من عرضها ذكر البقوم=وقت المراجل عدهم عون وقروم
شجعان بالميدان ما فيهم رخوم=تعجبك فزعتهم ليا حال حايل[/size]

[size=16]ومن عرضها نسل الرجال المناعير=رشايده في نحرهم يشبع الطير
ما يذكرون الا على الطيب والخير=رشايده لا حال بالجو حايل[/size]

[size=16]واذكر بعد كل العوايل ونعمين=ماني بناسيهم رجالن كريمين
اكثر عوايلنا تراهم عريبين=والنعم والله في جميع العوايل[/size]

[size=16]واخص في قولي سلام وتحية =لابو فهد رجال زبن الونيه
لا هنت ياراعي السلوم الوفيه=بالمنتدى جمعت كل القبايل[/size]

[size=16]وكلمة شكر في حق رجال زيزوم=جابر ولد هايف ومن نسل شغموم
ياصاحبي لا هنت يانسل القروم=مثلك بوقت المدح للمدح نايل[/size]

[size=16]محمد بن عبيد قدم عذايره=للي من العربان غابت ذكايره
ما هي بمقصوده ولا هي حقايره=والنعم والله في جميع القبايل[/size]

[size=16]بختامها صلو على سيد الناس=المصطفى المختار من جملة الناس
اللي بعثه الله على مجمل الناس=تعداد ما تبرق بروق المخايل[/size]

[size=16]وشكرا لحسن المتابعه ...[/size]

» جوُ ـآلمطرٌ - للشاعر حمد البريدي
» قصيده رائعه جدا
» قصيده عجب
» قصيده الي امي
» قصيده لفلسطين